National Archaeological Museum Aruba - 22 May 2019
In Aruba, Lasonan Caribeño was hosted by the National Archaeological Museum Aruba. It opened on the 22nd of May. The exhibition was presented in Papiamento and English.
Opening Caribbean Ties at the National Archaeological Museum Aruba (all photos courtesy of Suzy Boekhoudt).
The National Archaeological Museum Aruba has a long history of collaboration with Leiden University. The NEXUS 1492 project provided the unique opportunity for the continuation of archaeological research where innovative techniques and methods where applied to obtain new results. Research carried out at the Canashito, Malmok, Spaans Lagoen and Sero Colorado sites, brought forth new evidence that resulted in the re-evaluation of the period categorized as Preceramic. The obtained results demonstrated that the period previously defined as Pre-Ceramic should be categorized as the Archaic period. Research carried out at Santa Cruz 35, brought forth new evidence that categorized this site as a singular Historic Period graveyard with a mortuary practice heavily influenced by European customs.
Lasonan Caribeño in Noord - 10 March 2022 (press release in Papiamento)
Exposicionnan Lasonan Caribense y Historia di parokia di Noord
MANA (Museo Arqueologico Nacional Aruba), Fundacion 1403 hunto cu Fundacion Kapel di Bethania, ta hopi contento cu a logra pa trece e exposicion internacional temporario di NEXUS1492 Caribbean Ties/ Lasonan Caribense mas serca di comunidad di Aruba. E biaha aki e exposicion temporario menciona ta den e bario di Noord despues cu e tabata na San Nicolaas y Playa.
Fundacion Kapel di Bethania, tin actualmente den Klooster di Imeldahof un exposicion cu ta conta e historia di e parokia di Noord. Den un joya di monumento cu un hardin encantador por disfruta di arte y artefactonan religioso. Potretnan ta presenta storianan di tempo di e soeurnan di e convento di Imeldahof.
MANA a haya na 2019 di Universidad di Leiden regala e exposicion Lasonan Caribense/ Caribbean Ties” cu ta un exposicion internacional temporario cu ta basa riba resultadonan di e proyecto di investigacion NEXUS 1492. Den e proyecto aki, lidera pa Universidad di Leiden diferente instancia di varios pais den region di Caribe a traha hunto.
E colonisacion Spaño di Caribe a conduci na transformacionnan drastico di e practicanan cultural indigena. Lasonan Caribense ta mustra e papel cu e pueblonan indigena di Caribe a hunga den historia global. E historia di Caribe ta ser presenta for di un perspectiva di su prome habitantenan (Indjannan).
E exposicion a ser presenta na Hulanda, Aruba, Statia y otro islanan di Caribe di mes forma cu varios tema. E temanan ta Multiculturalidad, Migracion, Intercambio economico y social, Cambio den comemento y creencia y Futuro di Pasado. E caracter educativo di Caribbean Ties aki a ser amplia cu produccion di 4 video cortico. Specialmente pa scolnan y otro gruponan e ta un oportunidad unico pa amplia conocimento di historia di Aruba y Caribe
MANA, Fundacion 1403 y Fundacion Kapel di Bethania ta invita comunidad di Aruba, specialmente scolnan di Noord y vecindario pa pasa bishita e 2 exposicionan cu lo ta habri riba, dialuna, diaranson y diaheubs for di 8.30 am te cu 3.30 pm na Klooster di Imeldahof na Noord. Tambe por acudi riba 18 di maart awor.
photos courtesy of MANA (2022)
Lasonan Caribeño & Dia di Rey - April 2022 (press release in Papiamento)
Grandi y chikito a goza Dia di Rey na Convento di Imeldahof di e actividadnan organisa pa Museo Arqueologico Nacional Aruba (MANA) y Fundacion Kapel di Bethania (FKB). Muchanan a hunga wega y hisa flie, mientras mayor ta sinta y apoya nan yiu. Famianan a participa na tayernan
creativo, a bishita e exposicionnan y e kapel unico. Den un ambiente ameno den e hardin a disfruta
di dushi sopi y pasaboca.
Hopi a haci uzo di e oportunidad pa saca bunita potret den famia of cu amigo den e ‘photobooth’ cu FKB a drecha special pa e dia aki. Alavez tabata tin bunita artesania special pa e occasion aki y
tambe articulo religioso na benta.
MANA y FKB ta masha agradici na mr. Glen Lacle di Fundacion “Vrienden van het Sport Centrum San Nicolas”, y trahador di IBISA, cu voluntariamente a coordina e weganan popular na un manera asina dibertido cu e muchanan cu a participa a keda encanta. Otro actividad popular tabata cu e muchanan por a experiencia pa hisa flie.
Pa medio di nan carchi di actividad muchanan a participa den e tombola di FKB pa cual diferente gremio y persona a pone premionan atractivo disponibel. Banda di e carchi di actividad FKB a recauda fondo cu bar y cushina di sopi bon surti. Grupo Scout San Dominico tambe a recauda fondo cu nan tent di cos dushi y pasaboca.
Artistanan Gloria Feliciana y Erika Moran a ofrece dos tayer sumamente atractivo pa participantenan di 5 pa 100 aña. Pa un prijs special pa e celebracion di a Aña di Rey a siña mucha,
hoben y adulto pa traha cadena di glas di lama y pintura riba canvas di un escena caribense. Alavez Fundacion 1403 tabata presente pa bende e catalogo di pintura riba baranca di Aruba.
MANA y FKB ta desea pa gradici un y tur cu a contribui pa haci e evento aki asina exitoso y en especial nos voluntarionan cu a dedica nan dia liber pa yuda. Nos ta bisa un danki grandi na Ministerio di Cultura y Comision Dianan Nacional cu a yuda cu tent y baricada y promocion, na
IBISA cu a yuda pa formula e ideanan pa e weganan y a pone e materialnan pa e weganan disponibel, na prensa di Aruba cu a duna espacio den nan medionan di comunicacion pa informa publico di e evento, na Imeldahof cu a pone nan veld disponibel pa hisamento di flie y parkeo, na gremionan cu a pone premionan disponibel, na artistanan Gloria Feliciana y Erica Moran y sigur Glen Lacle di Stichting Vrienden van het Sport Centrum San Nicolas. Un danki enorme na un y tur cu a bishita yparticipa, a yuda ‘promociona of a sostene e actividad aki na un of otro manera.